星期四, 18 4 月, 2024

Jabra Elite 5 開箱試玩:麻雀雖小,面面俱圓

每年9月,各大廠都紛紛係IFA推新產品,Jabra亦唔例外,宣佈推出全新真無線耳機Elite系列新作 – Jabra Elite 5,同時香港已經有得賣啦!同早幾代 Elite 7系列嘅可調式主動降噪或 Elite 85t 嘅主動降噪唔同,Elite 5 採用嘅係混合式主動降噪(Hybrid ANC),究竟 Elite 5 嘅降噪會唔會好啲?一齊繼續睇落去。

主動降噪:主動式降噪(ANC),原理係耳機內放置能偵測中低頻噪音的麥克風,將接收到的雜訊信號傳送到控制電路進行運算,再透過Hi-Fi喇叭發出與噪音振幅相同的「反向聲波」,令兩種聲波互相抵消,達成降噪目的。

可調式主動降噪:「可調式」表示可以係「Jabra Sound+」應用程式中調整主動降噪強度。 相較於Elite 85t,Elite 7 Pro 的降噪能力一點都唔遜色,雖然在高頻方面的降噪沒有那麼強,不過Elite 7 Pro 同時也有著更好的低頻降噪效果。

混合式降噪:透過在耳內側使用反饋式麥克風及耳外側使用前饋式麥克風,無論用家如何佩戴耳塞,對其降噪效果都不會有太大影響,並確保在更廣泛頻率 範圍能加強消除噪音。簡單講,就係混合式降噪並唔會因為你帶得唔好而影響降噪嘅效果,同時佢嘅頻率亦都比主動降噪及可調式主動降噪更廣泛。

係外型同設計方面,Elite 5 同Elite 7系列分別不大,兩者都係用完全封閉設計,進一步提供降噪優勢。

耳機設計輕巧,共配3組唔同大小耳塞,適用大部份人士耳蝸;IP55防水防塵
支援USB C及無線充電;7小時使用時間,配合充電盒,最長可達28小時

機面配備實體鍵,你可透過耳機左右兩邊嘅實體鍵去進行如播放暫停或開啟關閉ANC等功能。同往代一樣,大家可以DOWNLOAD Jabra Sound+ App進一步豐富耳機使用體驗。Sound+ App介面非常清晰,可以自行調校EQ又或選用佢預設嘅模式。

首次配對會有教學幫你進行簡單調整
可自行調節EQ以調節出最岩聽嘅聲音,亦可選用佢DEFAULT嘅EQ

係降噪及通話功能方面,分別係地鐵同旺角街頭上試,大致可阻隔8-9成聲音。係通話方面,收音都叫清晰,但如果係人多嘈雜嘅地方,都係會有相對嘅雜音同人聲冇咁清晰,但當去返普通室內場景,收音就毫無問題。

可進一步調整主動降噪效果,自主決定聽幾多環境聲音

Jabra Elite 5支援藍牙多點配對,可兩時LINK兩部裝置,只需要暫停播放其中一部裝置,耳機就會自動切換。Elite 5同時支援Google Fast Pair、Microsoft Swift Pair、Google Assistant同Alexa等,令你無論係工作或娛樂都可以得心應手。

整體而言,Elite 5功能可以話非常齊全,無論係通話質素或者音效方面都面面俱圓,同時佢嘅價錢亦非常親民,只售港幣$1,190。更多Elite 5 詳細規格及介紹: Jabra推出全新Elite 5無線耳機

最新
相關資訊